Aruba Bank cu cincuenta mil florin pa Proyecto Cas Speransa

ORANJESTAD - Aruba Bank Management Board a aproba AWG.50,000.00 di sponsorship pa e proyecto Cas Speransa 2017. E proyecto Cas di Speransa ta un iniciativa cu ta alinea cu Aruba Bank su brand pillar We Care. Esaki ta encera cu nan ta sigui honra e rol di sostenedor comunitario cu Aruba Bank a empeña pa mas di 90 aña y nos ta haci esaki cu e sostenibilidad di nos pais den proyectonan.

E proyecto ta un ehempel di con mundo di negoshi y sociedad en general ta uni cu otro na un manera natural. Ademas Hope Aruba Fundacion Restuaracion y Global Teen Challenge tambe ta maneha y combina e esfuerso unico aki cu un plan economicamente sostenibel y viabel hunto cu (Cunucu di Jimmy), cual nos banco ta sostene financieramente tambe.