Aruba participando den Film Festival di pelicula gay na India

MUMBAI – Aruba ta un di e 5 paisnan cu ta participa den e di 8 edicion di festival di pelicula cu tema di homosexual. Asina e portal Indio NYOOOZ ta raporta. Ta trata di e festival di pelicula Indio day Kashish Mumbai International Queer Film Festival. For di e 45 paisnan cu a participa e aña aki, nos isla ta nobo. E festival e aña aki lo pasa 147 pelicula di 45 pais, cu ta proyecta e bida diverso di comunidadnan lesbiano, gay, bisexual, transgender y queer (LGBTQ). E portal no ta splica si cua ta e pelicula(nan) cu Aruba ta participa cu ne, ni ken ta representa nos isla na e festival. Paisnan cu ta participa pa prome biaha ta inclui Armenia, Nigeria, Kosovo, Rwanda, UAE, Trinidad & Tobago y Aruba. E director di festival Sridhar Rangayan a bisa cu a bon pa mira cu mas y mas pais ta participa cada aña. E aña aki segun NYOOOZ, paisnan cu ta participando pa prome biaha, incluyendo Aruba, tin asuntonan y situacionnan similar di LGBTQ.