Politico Clark Abraham a bira independiente den conseho insular di Bonairo

KRALENDIJK – Miembro di conseho insular di Bonairo Clark Abraham a distancia su mes di partido Democrat y declara su mes como independiente. Den un carta pa tanto gezaghebber Edison Rijna como fraccion di Democraat (lesa cartanan) e ta informa esnan concerni di su decision tuma. Abraham ta papia di e.o. “un estorbo den e relacion profesional di varios miembro prominente di nos organisacion politico y nos lider politico y fraccion señor Robby Beukenboom’. Den un carta e ta splica detayadamente kico e motibonan ta, y finalmente ta bisa cu ‘pa mi por eherce mi responsabilidad cu e pueblo aki a pone riba mi schouder y pa representa pueblo su interes na un manera digno, no ta resta mi niun otro opcion cu tuma un posicion independiente den Conseho Insular di Bonairo’. Te eynan su carta. Gezaghebber Reina awe mainta a confirma pa NoticiaCla.com cu ela ricibi e carta y cu enberdad Abraham a bira independiente. Informacion cu e portal aki tin ta cu mas sigur Abraham lo forma algo cu miembronan Jeanoushka (Nunu) Raphaela y Elvis Tjin-Asjoe. Foto cortesia Pieter Hofmann