Trahadornan di IASA y douane por parkeer dilanti atrobe na aeropuerto

ORANJESTAD – Despues di 2 dia di accion, sindicatonan ta mustra cu nan a logra nan meta. Presidente di sindicato STA Diego de Cuba a presenta un carta pa NoticiaCla.com cu despues di reunion di 4 sindicato cu 3 minister, e sindicatonan a sali victorioso. E ta nifica cu a duna ordo na AAA NV, ‘ pa reactivia carchinan di parkeo pa asina tur empleado di IASA y douane por staciona nan vehiculo den e parkerplaats cubri pa panelnan solar, esta esun bandi pariba. Cu esaki ta yega un trankilidad laboral atrobe na aeropuerto pa e dos gruponan aki. Un problema cu a origina e siman aki ora cu un trahado di douane a keda atraca anochi laat, y cu a crea un ola di protesta cu a desemboca den un accion di dos dia.