MEP a entrega keho entrega contra 10 minister

ORANJESTAD – Fraccion di partido MEP a entrega keho diahuebs merdia contra 10 minister di Gabinete Mike Eman I y II, argumentando cu a ‘disparce’ 50 miyon florin sin cu tin un hustificacion pa esaki (lesa e keho entrega aki). Lider di e partido Evelyn Wever Croes a mustra cu e asunto a bin na luz di dia siman pasa ora cu gobierno a entrega e cuenta annual di 2013, y unda por a mira cu envez di gasta e 287 miyon pa cual nan a haya apoderacion, a gasta 337 miyon. Y MEP ta sospecha cu esaki a wordo uza pa finnan netamente politico, pues posiblemente pa campaña di eleccion 2013.

E entrega no a bay sin su problemanan segun Wever, ya cu a tarda pa nan por a haya un cita. Y ora cu e la haya un cita, a pone nan warda basta pafo, y paden no a haya chens pa intercambia di idea. Segun Wever, e procurador general interino sra Lugo, no ‘tabatin tempo’pa atende e fraccion, cual Wever ta lamenta. Ministerio Publico tin e trabou awor di investiga e keho y mira si tin base pa persigui e mandatarionan en cuestion, y si esey no ta e caso, MEP ainda por apela OM pa medio di un caso den corte.