YS: Gobernador ya por nombra un formado pa formacion gobierno

WILLEMSTAD – Tur cos ta cla pa Gobernador Lucille George Wout nombra un formado pa e proximo gobierno di Corsou. Asina informado Etienne Ys a confirma durante un conferencia di prensa diamars atardi. Segun Ys, partidonan ta hopi cerca cu e acuerdo di gobernacion y posiblemente por firma uno prome cu mayan ainda. Depende di kico sosode, e por entrega e relato final pa gobernador mayan, of ta bira un relato intermedio. Pero e ta sinti cu partidonan ta hopi cerca di otro y cu mas sigur den curso di awe pa mayan, ta keda cla.

NOMBRACION RUGGENAATH COMO FORMADO

E intencion segun Ys, ta pa Gobernador nombra Eugene Ruggenaath como formado. Unabes esey sosode, ta cuminsa procesa e nombernan pa bira minister, y manda esaki pa screening. Proceso di screening di Ruggenaath mes a cuminsa caba segun Ys. E nombernan ta conoci caba segun Ys, pasobra partidonan mes a opta pa publica esaki caba. Pero no ta berdad si cu a manda e nombernan pa screening caba. E partidonan cu lo forma gobierno ta PAR, MAN y PIN segun Ys.