Pareha di victima di asesinato Jaburibari: E tabata un homber amabel

ORANJESTAD – Mientras cu ministerio publico no ta dunando informacion di e caso di asesinato di Jaburibari di un siman pasa awe, NoticiaCla.com a haya e identificacion di e homber cu a wordo tira mata. Segun e corant Canades CBC, ta trata di e hoben Thuy Hoang Nguyen Quach. Mientrastanto su pareha (B. B.) a cuminsa un proceso pa genera fondo pa por traslada e curpa bek pa Canada. Riba su pagina di FB, su pareha ta bisa “Mi a perde mi guy, amante, miho amigo e siman aki”, y ta sigui bisa cu e homber (Thuy) tabata ‘hopi amabel y semper tabata pone otro su dilanti”. Por compronde awor cu e persecucion di Hato y e asesinato ta gelinked cu otro.

PAGINA GO FUND ME

E pareha a sigui bisa cu e ta pone e pagina ‘gofundme’ pa genera fondo pa por yuda traslada e curpa bek pa Canada. I have lost my boyfriend/lover/best friend this week. E homber cu lo a asesina e asiatico Thuy Hoang Nguyen Quach, ta encarcela y su detencion a wordo prolonga te fin di siman aki.

MINISTERIO PUBLICO

For di siman pasa pa medio di vocero di Ministerio Publico Ann Angela, a informa cu no ta bay duna mas informacion mas riba e caso, te cu posiblemente e siman aki. “Actualmente ta asina cu diferente di e sospechosonan ta den beperking, loke kiermen cu a pone un medida di restriccion riba nan, caminda nan no por tin ningun sorto di contacto” Angela a cuminsa na bisa. “ E abogadonan tampoco ta papiando. Bou di e circumstancianan ey, ta imprudente si OM si papia di e caso. Na interes di e investigacion, nos lo pa awor no contesta ningun pregunta. Nos ta spera cu pa cuminsamento di otro siman, por duna mas informacion” Angela a finalisa bisando. Mientrastanto, prensa Canades si ta riba e caso y ta divulgando nomber y mas, manera cu nan a haci awe atrobe.

Fuente CDC.ca