Renaissance Aruba a introduci cocktail menu nobo

ORANJESTAD – Riba e dak di e hotel, den un ambiente ‘secreto’, Renaissance Aruba e fin di siman aki a introduci nan cocktail menu nobo. Pa esaki nan a haya asistencia di e compania hulands Cocktail Professor, cu 4 luna pasa a bin Aruba y cuminsa riba e proyecto. Basa riba inspiracion local y tradicion local, nan a crea como 5 cocktail nobo, valido pa BLUE Bar, L.G. Smith Steak & Chop House, Sole and Papagayo restaurant.

A uza algun ingredientenan local, tradicion y storia local. E idea ta pa e invitadonan y huespednan di hotel descubri algo nobo, cu nan por conta nan famianan ora cu nan bay nan pais bej. Asina Teisje van Emmerick di Cocktail Professor a bisa NoticiaCla.com. A entrena henter e staf di F&B di hotel pa nan por a crea e cocktailnan special crea. E coctailnan ta inclui tur 5 sentido di un persona, ta trendy y totalmente sorpresa. Nombernan manera ‘Carnaval;’, ‘Flowers of the Caribbean’, ‘Tormenta Tropical’ ‘Bush Medicine’ y ‘ Ora Huba’ ta algun di e cocktailnan.