Prome anochi di info di Dreamers na Dimas a hera bay foi man

ORANJESTAD - E prome anochi di informacion di e proyecto di amnestia pa hobennan stranhero, tabatin su retonan. Un grupo mucho mas grandi cu a premira, a presenta na e ediificio di Dimas diabierna anochi, causando un situacion poco caotico pafo. Hendenan cu kier a drenta pero no tabata por, a pone cu varios unidad di polis mester a presenta pa establece orden. Cu asistencia di polis, a informa tur hende pafo cu no tabatin mas lugar paden pa e lectura y cu nan mester a bandona e lugar. A sugeri pa tene e siguiente anochi (otro siman) na un lugar mas grandi. Mientrastanto esnan cu si a logra drenta, a haya nan informacion manera planea.