Abogadonan di Emsley Tromp ta cuestiona actuacion OM

WILLEMSTAD – ‘Aunke cu (Emsley) Tromp no ta haya cu e discusion huridico di su caso mester tuma lugar en prensa sino den corte, e ta haya cu ta prudente pa e duna un reaccion breve riba e declaracion di Ministerio Publico hací awe”. Asina e abogadonan di e presidente di Banco Central di Corsou y St Maarten Mirto Murray y Niels vd Laan di bufete di abogado SMS Advocaten repectivamente De Pen en Roos a bisa awe tardi. E abogado ta referi na e declaracion di OM awe unda cu OM a dicidi cu lo persigui Tromp pa fraude fiscal.

TROMP TA DESMENTI

E abogadonan ta cuminsa na desmenti cu Tromp lo ta culpabel na fraude fiscal. Esaki pasobra otro cu OM ta declará, abogado ta desmentí cu intencionalmente no a duna cuenta fiscal di su entradanan pa loke ta su pensioen. A splica cu Tromp tin cu cuminsa paga impuesto riba su pensioen na momento cu e bay cu pensioen. Como tal no por papia di cu a perhudica caha di gobierno, pasobra e cobramento di belasting na momento cu Tromp baha cu pensioen, ta sigura.

Tromp ta di opinion cu ministerio publico den e caso penal aki, ultimo lunanan a actua inapropiá, descuidá y parcialisá. No mas cu diarazon ultimo ainda, a presenta dos opinion detayadamente motivá di expertonan fiscal na OM, cu ta proba cu Tromp a actual fiscalmente corecto. Sinembargo OM a pone (sin motivacion) esaki un banda.

No ta cla pa e abogado, pakico OM ta kere cu e pregunta fiscal di e pensioen di Tromp mester wordo persigui penalmente, sigur si awor ta cla cu e vision di OM no ta wordo compartí door di varios otro experto fiscal. Tampoco, segun abogado, no ta comprendibel pakico den un investigacion cu no ta cla ainda, tin asina hopi pura pa anuncia e persecusion penal. Segun e abogadonan, e actuacion di OM ta solamente esplicabel si e decision pa persecusion ta wordo atendí pa forzanan aheno, y no cu e fin pa haya e berdad y cumpli cu ley. E pensamento ey ta duna motibo di preocupacion, segun e abogadonan. “Sr Tromp lo defende su mes corectamente y tin tur confianza den e procedura” e abogadonan van der Laan y Murray a finaliza bisando.