OM: Ex minister Jamaloodin bringando extradicion na Caracas

CARACAS – Ex minister George Jamaloodin ta bringando su extradicion na Caracas. Vocero di ministerio publico Norman Serphos a confirma esaki pa NoticiaCla.com. Entre e cosnan cu ta bringando, ta e cargonan cu tin contra dje.   Jamaloodin ta wordo acusa di 4 cargo, entre nan relaciona cu caso Maximus (asesinato di politico Helmin Wiels), caso Passaat (falsificacion di firma tempo cu e tabata minister y caso Biento.

BRINGANDO E EXTRADICION

Segun Serphos, Interpol tin e ex minister teni riba peticion di Corsou y ta wardando e proceso di extradicion. Tribunal di Caracas a duna Corsou 60 dia pa prepara e documentacion na spaño pa por trata e extradicion. Siman pasa tribunal di Caracas corte a rechaza e peticion di abogado di Jamaloodin y a duna OM di Corsou razon.

DETENCION NA VALENCIA

Tabata diabierna 17 di maart ultimo cu autoridad Venezolano riba peticion di Corsou, a detene Jamaloodin. 

E detencion ta relaciona cu sospechoso di dos delito den funcion (ambtsdelicten) door di Jamaloodin. Jamaloodin lo a haci su mes culpabel den investigacion "Bientu" di falsificacion di documento mientras cu den caso "Germanium" ta sospecha s Jamaloodin di malversacion. E investigacionnan ta continua y no ta descarta mas detencion den e investigacionnan aki.   Jamaloodin ta tambe sospechoso den caso "Maximus". Na juli 2014 ela wordo deteni caba pa e mesun caso (Maximus). Ministerio Publico (OM) di Corsou a confirma despues di 3 dia, (21 di maart) cu Jamaloodin mientrastanto a keda traslada di ciudad di Valencia pa capital di Venezuela, esta Caracas. Na Caracas a presente na Corte, por cierto e mesun Corte cu a ordena su detencion .