Un di detenidonan di persecucion Hato ta criminal canades conoci

TORONTO – Un di e personanan deteni dialuna despues di un persecucion, ta e sospechoso canades Michael “Teddy” Gibson, segun e corant canades Toronto Sun. Segun e corant, e ta liga na un tiramento di e asina yama RegentPark gang cu a laga un serie di curpa atras. E corant ta relata tambe riba e caso cu a sosode na Aruba dialuna ultimo. Segun e corant, su fuentenan ta bisa cu Gibson ta wordo busca pa e asesinato di Julian Weekes cu a wordo tira mata pafo di un bar na Queens St E banda di Parliament Street dia 2 di april di aña pasa. Weeks tabata bandona un entierro pa Ceyon Carrington cu a wordo tira mata altun dia prome. Ta un asunto di reglamento di cuenta cu a tuma lugar cu a laga 6 persona morto, incluyendo un wela inocente entre Maart di aña pasa y februari di e aña aki. Police di Toronto lo ta na altura di e detencion di Gibson na Aruba pero no ta papiando. Fuente: Toronto Sun Times. Foto Cortesia Janchi Cadillac.