Construccion ta e negoshi cu mas a crece na Aruba

ORANJESTAD – E sector cu mas a conoce aumento den registracion, sigur den e ultimo 4 añanan ta construccion. Asina Camara di Comercio a informa. Cu cifra ta mustra cu for di 2012 pa 2016, Construccion tabata na cabez constantemente, aunke e cantidad tabata varia leve.  Na di dos lugar, e negoshi cu ta creciendo den registro ta restaurant, den 2016. Algo cu tabata igual na 2012 pero a baha despues. Lugarnan di take-away y snack truck tambe a aumenta ultimo tempo. Pues e interes pa cuminda ta creciendo grandemente na Aruba tambe.