Systema di whatsapp ta down mundialmente

ORANJESTAD – No ta na Aruba so pero mundialmente e sistema di comunicacion whatsapp ta ‘down’, esta no ta operando. Esaki a causa un panico rond mundo ora cu diripiente atrobe hende no por a comunica cu otro sin sa pakico. Aki na Aruba mesora hendenan a cuminsa manda mensahe via facebook pa avisa of puntra kico ta kico. E problema ta enfoca particularmente na West Europa, East Coast di Merca y Sur America. Usuarionan ta raportando problema ora di manda y ricibi mensahe, of simplemente pa subi e app.