Asesinato Jaburibari un sla si, pero no nubia scur riba conferencia di polis

PALM BEACH – E asesinato dialuna marduga, riba e prome dia di e conferencia di comisarionan di polis den region, sigur tabata un sla. No necesariamente pa e conferencia, pero pa cuerpo policial. Asina organisador di e conferencia, comisario Trudy Hassell a bisa NoticiaCla.com . “Naturalmente e ta un sla pasobra mi ta kere cu algo asina lamentabel y tristo ta trece un mancha scur riba nos esfuerso pa desaroya nos cuerponan na un manera positivo” Hassell a bisa. Pero no por bisa si cu tin un nubia scur ni riba cuerpo policial ni riba e conferencia. E ta algo cu a pasa cu ta lamentable si segun e comisario. Mientras cu en berdad e ta un shock, cuerpo ta absorba asina hopi shocks y ta sigui dilanti.