Oduber: Bin cu prueba cua minister y cua procurador a haya orden di gabinete pasa

ORANJESTAD – E declaracion di prome minister Mike Eman cu durante e gobierno di otro signatura (MEP), procurador general tabata haya orden di ken persigui y ken no persigui. Esaki no a cay de bon tera cerca e persona cu tabata prome minister e tempo ey, esta Nelson Oduber. NoticiaCla.com a nota riba red social cu Oduber mesora a reacciona riba e articulo aki. Y como reaccion e ex premier kier pa Eman bin bisa cual ministro y cu cual procurador. “Mi ta reta Mike Eman menciona cu prueba cual caso y cual ministro.??? Si e no hacie, su number den bingo lo bay hunga!!” Oduber a sigui bisa.

WEGA DI CARTA DI DECADA 90

Segun Oduber, Eman ‘no mester bin cu wega di un carta di decadanan 90 cu a manda puntra contra tratado di Roma, derechonan humano cu un hende por ta asina largo den voor arrest sin por yega corte.” Oduber a bisa. Segun Oduber, esey no tin nada di haber cu ordo a ser duna. Finalmente, segun Oduber, si mira cuanto bes a detene hendenan di MEP cu a gana nan caso den Lotto, cuanto bes a detene Rocky Kelly, Rudy Lampe etc, e ta kier pa puntra con asina lihe cos a bay?