Ainda no por link persecucion na Hato cu caso di Jaburibari

PALM BEACH – Investigacion tin cu determina si e persecucion di awe mainta ta relaciona cu e caso na Jaburibari. Asina vocero di polis Lito Lacle a bisa NoticiaCla.com dialuna merdia. Manera ta conoci, un rato despues di e caso di homber morto a consecuencia di un asesinato, un persecucion a cuminsa na altura di McDonalds Palm Beach di un KIA Sportage numera V-966 cu na e momento di a wak patruya pa un motibo of otro a pasa door si luz cora, treciendo bidanan di otronan na peliger. A core bay nengando stopteken di polis y a termina na altura di Aruba Bank Hato, caminda na final e auto a bolter den e greppel. Un total di 5 persona cu tabata den e auto a wordo deteni, 3 masculino y 2 femenino. Mientras cu no por a confirma nan nacionalidad, tabata un hecho cu nan tabata Latino. Tambe a bira conoci cu durante persecucion un di personanan den e auto a tira un gran cantidad di biyetenan for di auto y probablemente mas cos. E biyetenan cu a wordo tira ariba caminda, un cantidad a wordo tuma den beslag. Investigacion lo determina si nan tin di haber cu e caso na Jaburibari. Mas detayes di e caso mes di asesinato no por a duna. Fotonan cortesia 'Janchi Cadillac'.