Dobel asesinato na Corsou awe relaciona cu gang

WILLEMSTAD – Riba e ultimo dia di luna di april, Corsou a conoce otro caso di dobel asesinato. Esaki a sosode diadomingo atardi/anochi na Mirla Plateweg (Paradijs) despues cu desconocinan ta pasa den un vehiculo y los cantidad di bala den un grupo di homber cu tabata para na e bar Chines (conoci como Dragon). A start un core core formal, pero despues a bin constata cu un homber cu tabata para na e bar aki a fayece a consecuencia di varios perforacion di bala cu ela ricibi. Informacion cu NoticiaCla.com tin, ta cu ta indica cu ta trata di un situacion entre e dos gangnan di Corsou, esta NLS y Buena Vista. Ambulance cu a presenta, no por a haci nada mas pa e victima y ta pendiente pa dokter di polis constata e morto oficial. Fuentenan cu no por confirma identidad oficial, ta indica cu e homber cu a fayece aparentemente lo mester ta keda yama "Djur/Jur". E informacion di nomber aki sinembargo no por ser confirma. Personal di FKA mientrastanto no por a haci nada pa un di dos victima cu tambe a ricibi bala na e sitio y esey a haci cu esaki a bira finalmente un caso di dobel asesinato. Polisnan a cera e area bastante grandi pa asina por haci investigacion. Tabatin basta mirones na e sitio. Palabranan di condolencia y forsa na famia di ambos defunto.