Rij nan largo di hende riba apertura di tienda ‘barata’ Op=op

SAVANETA – E negoshi basa riba concepto di prijs barata, a haya un sorpresa awe mainta ora di nan apertura. Pa nan sorpresa, tabatin fila largo para pafo caba pa 9’or awe mainta na e tienda na Savaneta. Di otro banda, e hecho cu e tarifanan di e mercancia ta hopi barata, e reaccion no necesariamente mester a bin como un sorpresa. E concepto a resulta hopi gusta pa tur hende, unda cu productonan di varios marca conoci, tabata wordo bendi na 50% mas barata cu otro caminda. Esey a pone cu e interes obviamente tabata hopi halto riba e prome dia caba. NoticiaCla.com a compronde cu ta e prome di 3 tienda cu lo establece su mes na Aruba.