Atraco arma na Feng Hing Supermarket na Morgenster

ORANJESTAD - Diaranson anochi pa 8:50 central di polis a haya un yamada cu un atraco a caba tuma lugar na Feng Hing supermarket na Morgenster. Patruya di Santa Cruz a yega na e sitio y na unda e señora Chines ta conta cu un rato prome nan a wordo atraca door di dos mucha homber entre 16 pa17 aña. Tur dos ta tin cara tapa y un di nan tawata tin un arma di candela. Nan a papia bon papiamento. Un ta tin sweater largo shinishi cu jeans bisti y e otro ta tin sweater blauw cu jeans bisti y un petchi. Por a compronde tambe cu nan lo mester a dal e señora cu algo na su cabes pero e no sa ta cu kico. E dos atracadornan aki a huy na pia direcion pabou. Nan a bay cu e mas o menos afl 4000,-, carchinan di telefon, iphone y ipad. Atraco team a presenta pa asina sigui cu nan investigacion. Slachtofferhulp tambe a wordo pidi pa e señora. Ken cu por a wak algo please yama e tiplijn di polis 11141.