Aruba lo tin representacion como observador pa eleccion Corsou

ORANJESTAD – Aruba ta un di e paisnan cu lo manda un representante como observador electoral pa e eleccion di diabierna proximo na Corsou. NoticiaCla.com tin confirma cu pa Aruba, hefe di Censo Sharin Luydens lo representa nos isla den e parti aki. Corsou a invita diferente organisacion cu sa di eleccion pa observa si tur cos ta bay na ordo. “Mi ta bay como observador di e eleccion dus pa wak si tur cos ta bay segun regla y ley. Ademas mi ta bay como experto riba materia di eleccion representando Aruba” Luydens a sigura e portal aki. Te asina leu cu ta na altura, e ta e unico persona di Aruba cu lo fungi como observador. NoticiaCla.com lo tin cobertura tambe pa cu e eleccion aki diabierna awor.