Casonan confirma di Zika na Aruba a reduci drasticamente

ORANJESTAD – E cantidad di casonan confirma di Zika a reduci drasticamente den ultimo simanan. Asina microbiologo Wilmer Salazar a confirma awe mainta durante un conferencia di prensa. No a bay specifico riba e cifranan sino mas bien a bay den forma mas general, sino solamente a bisa cu tin 437 caso confirma. Loke a bisa si ta cu e la cay drasticamente desde e luna di januari despues cu a anuncia cu tabatin un brote/outbreak di Zika na Aruba. Cifranan cu ta data for di januari cu ta determina cu e tempo ey tabatin e caso. E microbiologo ta insisti cu ta papia riba casonan confirma y no notifica pasobra esey ta cifranan hopi mas halto. A notifica cu docternan sa pone cu e persona tin Zika, ora cu e tin un keintura, siendo cu esey no ta e caso. “Nos mester ta realistico cu cifras” Salazar a bisa.