Tanto oposicion como oficialismo ta marcha awe na Venezuela

CARACAS – Awe na Venezuela, oposicion di gobierno di Nicolas Maduro a convoca e ‘mama di tur marcha’, cu e fin pa resona nan voz pa asina por tin eleccion atrobe na e pais bisiña. Siman pasa tabatin marcha caba pero cu a termina den 5 hende cu a perde nan bida, decenas di hende herida y centenares di hende deteni. Mes momento e oficialismo (gobierno) a manifesta cu nan tambe lo bay marcha den compania di e milicia cu nan a arma. Manera cu Noticiacla.com a raporta ayera caba, e comunidad internacional ta teme cu e protestanan aki por caba den hechonan violento serio. Merca a bisa caba cu no lo tolera e forma con a anda siman pasa y cu tin un bista riba e marchanan di awe.