Polis a gara ladronnan hortando den supermercado

ORANJESTAD – Ladronnan a wordo gara ta horta den un supermercado awe marduga. Segun vocero suplente di polis Liliana Rasmijn, awe diaranson madruga pa 02:28 central di polis a manda patruya di playa na Hua Run Super Center pa ladronnan den e edificio cu lo ta bezig ta hortando.

PATRUYA DEN CERCANIA

Patruya cu tabata e momento ey den cercania a yega pa 02:29 unda cu nan a bin topa cu un homber scondi pafo y tras di un pochi mata cu dos caha di placa den su man y na mes momento un otro hende homber ta saliendo fo’i di un buraco den bentana. Polis a bay over na detene tur dos hende homber. Na dado momento un di nan a haci un movecion straño na unda cu polis pa su mes un seguridad a los un tiro di advertencia den laira na unda di biaha a neutraliza e situacion.

DI TRES SOSPECHOSO GARA

Polisnan di Noord cu tambe a presenta na e sitio a bay over na controla e lugar paden na unda cu a bin topa cu e di tres sospechoso den baño scondi. Ta trata di dos Arubiano y un Curasoleño. E edad ta di 16,17 y 27 aña . E caso ta den man di recherche na unda lo sigui cu e investigacion.