PPG Paint ta un di e lugarnan victima di ladronicia marduga

ORANJESTAD – E negoshi di pintura PPG Paint a bira victima di un serie di robo cu a tuma lugar den fin di siman. Uzando e mesun modus operandi, un serie di ladron cara tapa a drenta e lugar y haci nan daño. Segun un di e directornan di e lugar Ernst Mohamed, e ladronnan a bay cu placa di un cash register y tambe un laptop. Mucho mas nan no a bay cu ne, mirando cu nan tabata keda apenas algun rato (30 seconde pa 2 minuut) y sigui pa nan otro lugarnan pa horta. Varios otro lugar manera supermercado y un lugar di autoparts tambe a haya e 'bishita' indesea aki. Fotonan exclusivo pa NoticiaCla.com.