Protocol firma lo garantisa permiso mas lihe pa studiante

Posted on 04/17/2017 3:34 pm AST | Updated on 04/17/2017 5:02 pm AST

ORANJESTAD - DIMAS lo provee un cadena di universidadnan, HBO y MBO un proceso mas lihe pa atende cu permisonan pa nan docente y studiantenan y tambe diferente tipo di studiante. Asina director di DIMAS, mr. Kathy Ruiz-Paskel a remarca. Recientemente DIMAS a ricibi bishita di cadena di universidad menciona pa firma e protocol. Segun Ruiz, tin studiante ta bin pa termino largo, otronan cu ta bin pa un termino cortico por ehempel un programa di intercambio (exchange program) y asina ta facilita e parti ey cu ta importante pe econonia di conocemento (kennis economie) cu Gobierno ta stimula.

AMPLIAMENTO DI PROTOCOL

DIMAS tin protocol cu algun universidad caba, pero awor ta ampliando esaki den tur sector. Nan a incorpora tur y a negocia un cu otro pa un periodo largo. “Awo nos tabatin e version final pa firma”, segun Ruiz-Paskel.

CUIDO MEDICO

Banda di esun di universidad, DIMAS a cera un protocol cu e sector di cuido medico. Den e ultimo añanan DIMAS tabatin protocol caba cu Hospital. “Nos a haci un evaluacion di esaki y diaranson tabatin un version revisa pa firma. Diaranson mainta a firma e protocol tanto cu sector medico como e sector enseñansa”, asina Kathy Ruiz-Paskel a remarca.

ATRAE MAS DOCENTE Y PROFESOR PA BIN ARUBA

Cu esaki, gobierno ta atrayendo no solamente opcionnan den extrerior, pero tambe aki mes na cas. Cu e tipo di acuerdonan asina, Universidadnan lo tin e posibilidad pa atrae mas docente y profesornan pa bini Aruba, pa tempo cortico of largo, pa por sigui educa nos studiantenan.

 

  • Presupuesto 2018 a keda aproba den Parlamento

    Presupuesto 2018 a keda aproba den Parlamento

    ORANJESTAD – Despues di 4 dia di tratamento, Parlamento a aproba e presupuesto 2018 diamars anochi laat cu 12 voto pro y 8 contra. NoticiaCla a compronde cu tabatin algun tension den curso tempran di anochi cu a pone cu a surgi un tardanza pa sigui cu e reunion y a surgi un ‘pauze’ di casi 4 ora.

  • Mocion pa cuminsa proceso pa legalisa cannabis no a haya sosten

    Mocion pa cuminsa proceso pa legalisa cannabis no a haya sosten

    ORANJESTAD - E mocion cu porta a hala mas atencion y a tene miembronan di Parlamento hopi ocupa, tabata esun pa cuminsa e proceso pa legalisa cannabis medicinal. Ora cu mas tempran den dia a bira conoci kendenan lo a bay vota pro, partido opositor a cuminsa un campaña pa bringa esaki. Tabatin rumornan persistente cu e mocion aki lo por a trece tension den coalicion, y cu si e mocion no pasa, e lo por tin consecuencia pa e coalicion. Na final, e mocion no a a logra haya confianza di un mayoria y a cay chikito cu 6 voto pro y 14 contra.

  • Mocion pa para independisacion DPS definitivamente aproba den Parlamento

    Mocion pa para independisacion DPS definitivamente aproba den Parlamento

    ORANJESTAD – Parlamento a aproba e mocion di AVP pa ‘cancela den forma definitivo’ e plan pa independiza scolnan publico cu 18 vota pro y 2 a vota contra. Mes momento e mocion ta pidi pa informa scolnan publico y persona di scolnan publico di e decision pa cancela den forma definitivo e plan di independisacion di scolnan publico. E cancelacion definitivo di e plan aki ta inclui e plan pa independisa Colegio EPI.

  • Cantidad record di mocion entrega durante tratamento presupuesto

    Cantidad record di mocion entrega durante tratamento presupuesto

    ORANJESTAD – Un cantidad record di mocion a keda entrega durante tratamento di presupuesto 2018 di pais Aruba. NoticiaCla a haya confirma di presidente di parlamento Ady Thijsen cu den careda di 70 pa 80 mocion a keda presenta y mester wordo vota ariba mas laat diamars. Fuera di esey, e cantidad di pregunta cu a wordo manda pa e ministernan, tambe ta hopi halto. Segun prome minister Evelyn Wever Croes, e la menciona cerca di 2000 pregunta manda, cu mester a contesta den un periodo di 1 siman. Ta planea pa parlamento vota pa tur e mocionan aki y e presupuesto diamars anochi.

  • Wever: Lo anuncia reduccion awa y coriente e aña aki ainda

    Wever: Lo anuncia reduccion awa y coriente e aña aki ainda

    ORANJESTAD – E cantidad cu cual lo baha tarifa di awa y coriente e aña aki, ta bira conoci unabez cu e jaarrekening di gobierno di 2017 ta conoci. Asina minister di energia Evelyn Wever Croes a bisa durante su contestacion di pregunta den Parlamento awe mainta. E mandatario a sigura cu e aña aki ainda lo anuncia e reduccion di tarifa di utilidad, pero tin cu calcula e sumanan prome cu por anuncia esaki.

  • No ta cambia ROP pa acomoda parke di molina na Urirama

    No ta cambia ROP pa acomoda parke di molina na Urirama

    ORANJESTAD – Ta definitivo cu e di dos parke di molina no ta bin na Urirama. Asina minister di energia Evelyn Wever a bisa durante su contestacion di pregunta den Parlamento diamars mainta. E mandatario a sigura cu no ta bay cambia e ROP pa acomoda e parke na Urirama. Esey ta nifica cu mientras cu e parke por bin, e tin cu keda ubica otro caminda. Si esaki ta nifica otro caso den corte pa e compania responsabel pa establece e proyecto, no ta conoci. Esaki tabata un di e temanan presenta den Parlamento awe mainta.

  • Do It Center
  • BDC2
  • Powered by SETAR