Homber ta muri carbonisa den su cas na Corsou

WILLEMSTAD – Un homber a muri carbonisa awe marduga den su cas na Corsou. Unidad di Brandweer a bay rapido pa duna asistencia awe den oranan di marduga na Roermondstraat (Corsou) despues di ricibi notificacion cu tin un cas na candela.  Na yegada a bin topa cu un cas completamente na candela y cu varios bisiña indicando cu no ta mirando un homber habitante di e cas. Mesora Brandweer a haci tur locual ta necesario pa paga candela tanten ta busca e persona, pero lamentablemente a topa cu e habitante no por a sali for di e candela feroz y a perde su bida kima den e cas. Vocero di polis, inspector Alfred Suares a confirma cu e homber enberdad a fayece a consecuencia di e heridanan di candela. Palabranan di condolencia y forsa na famia di e defunto. Foto cortesia www.loopabc.com