Do it Center ta lansa Do it Express

ORANJESTAD- Ayera mainta Do it Center a lansa su servicio nobo esta Do it Express. Asina e Marketing Manager di Do it Center sr. Gilner Dirksen a informa nos. E servicio aki ta uno di entrega y e comunicacion ta ser haci via di e systema di Whatsapp. E ta un proceso simpel caminda e pedido ta wordo haci por medio di manda un mensahe na number di cellular +297 5971111. Sr. Randy Ras ta e persona encarga cu e servicio aki lo contesta e mensahe aki y lo intercambia di informacion cu e cliente. Ora e pedido ta confirma esaki lo ser procesa y dentro di 48 ora e pakete ta wordo entrega, te na porta di cliente su cas. E pago por ser haci cash, ATM card of cu credit card. Sra. Lisanne Coffy cu ta e Marketing Coordinator di Do it Center a amplia mas riba e aspecto di regla y procedura. El splica nos cu e servicio aki ta solamente aplicabel pa residencial, suma di pedido mester ta minimo Afl.100,- y e ta exclui material di contruccion (Building Material). Tambe a bini dilanti cu e servicio aki lo cubri Aruba completo y ta solamente di dialuna pa diabierna. Na final di e rueda di prensa Sr. Gilner Dirksen a lansa e jingle conhuntamente cu e commercial pa e servicio aki. Nos kier felicita Do it Center cu nan tremendo servicio nobo aki y alaves deseando nan hopi exito den futuro!