United airlines su balor financiero a cay despues di incidente cu pasahero

CHICAGO – E balor di e aerolinea United a baha mas di 750 miyon di 22.5 biyon despues di cu un video di un incidente riba un di e buelonan a circula riba internet. Diadomingo anochi polis di Chicago a baha un pasahero cu no kier a baha, y lastra esaki te bahe porfin for di avion. E avion tabata yen, y un trahado di e aerolinea mester a bay riba e buelo pa por a traha su siguiente dia pa un buelo. E pasahero a rechaza pa baha di e buelo, y como tal mester a usa forza pa logra bahe. E buelo tabata di Chicago pa Louisville. E balor financiero di e compania riba bolsa di balor a baha te na 21.70 biyon dollar. E CEO di e aerolinea Oscar Munoz ta para tras di e decision pa baha e pasahero. Den un nota pa su trahadornan, ta pidi despensa pa e situacion inoportuno, pero cu e tabata necesario. E pasahero despues di a wordo lastra for di e avion, a bolbe core drenta, cu su cara tur cubri cu sanger, gritando ‘matami matami numa’. TMZ, a raporta awe mainta cu e homber, un medico, no tin mucho bon reputacion y tabatin incidente cu husticia caba den pasado, y ta un hungado aficiona di poker.