Caso 'Maximus' 19 y 21 april 2017 den Corte na Corsou

WILLEMSTAD - Diaranson 19 y diabierna 21 di april 2017 ta trata e caso penal “Maximus” cu contenido den Corte contra e sospechoso Burney “Nini” Fonseca (Corsou, 1971). Fonseca ta sospechoso den e sup-investigacion (deelonderzoek) “Maximus” na esnan cu a duna encargo pa mata Helmin Wiels. Fonseca ta actualmente sintando un castigo di prizon pa exportacion di cocaina y labamento di placa. E no ta bay ta presente den Corte pa tratamento di “Maximus”, pero lo ser scucha pa hues via videoconference y di e forma ey sigui su caso. Fonseca ta ser mira pa Ministerio Publico como e cadena entre esnan cu a comete e asesinato y esnan cu a duna encargo di asesinato di Helmin Wiels dia 5 di mei 2013. E culpabel pa e asesinato ya caba a keda sentencia na bida largo te na Corte Superior. E veredicto ey a bira irevocable. A wanta e caso contra Fonseca dia 8 di augustus 2014 pa tempo indefini pa motibo cu no a termina e investigacion. E investigacion na e rol di Fonseca den e totalidad a avansa cu awor si por trata su caso cu contenido. E investigacion na e otro nan cu a duna encargo ta andando.