Bonaire protestando contra reduccion di pensioen

KRALENDIJK – E isla di Bonaire ta practicamente plat awe dialuna. Varios sindicato , entre nan USIBO a yama un welga general pa protesta e reduccion den pago di pensioen. Miembronan a acumula riba Wilhelminaplein for di 8’or awe mainta. Schoolnan ta cera y varios departamento di gobierno ta cera. Trahadornan di RCN, OLB ( gobierno di Reino resp. local) y esunnan cu ta afilia na e pensioenfonds di 'gobierno' PCN. Solamente esnan di scol secundario tin cu presenta conforme roster pa examen. Sindicatonan solidario cu ta representa otro sectornan manera WEB y CUROil ta na un hilo fini pendiente tambe pa join. Segun Aymed Ayubi di Live 99FM, tin algun instancia ainda cu tin cu dicidi despues di merdia, pa pone e isla completamente plat. Esey por tin efecto serio mirando cu ta papia e ora cu hasta aeropuerto lo por cera durante di welga aki. Foto cortesia Live 99 fm