Dialogo social e siman aki lo debati aumento coriente 12%

ORANJESTAD – Aumento di 12% di tarifa di coriente lo ta topico di discusion durante e proximo dialogo social e siman aki. NoticiaCla.com a compronde cu partidonan ta preparando pa duna un presentacion di nan parti con por aumenta e tarifa di coriente proximamente. Informacion cu NoticiaCla.com tin, ta cu e tarifa aki lo mester subi cu por lo menos 12% entrante 1 di october. Si esaki enberdad ta bira e porcentahe final, ta bira conoci na final di e dialogo social mas den siman aki.

Tabata serca NoticiaCla.com cu minister di energia a confirma cu ta durante un session di dialogo social, lo mester determina e proximo aumento di tarifa di coriente pa Aruba. Un necesidad pa por saca “WEB y ELMAR” for di ‘rood’ aunke cu e mandatario a bisa mes momento cu e ‘rood’ aki no ta ‘alarmante’, pues no ta asina cu e compania tin cu sera su portanan pa motibo cu e ta ‘den rood’.