Decision riba bid pa copa Mundial 2026 dicidi den congreso CONCACAF na Aruba

ORANJESTAD – Merca, Mexico y Canada lo anuncia nan bid pa ta anfitrion di Copa Mundial di futbol 2026. Esaki a wordo presenta durante e conferencia di CONCACAF diasabra aki na Aruba, segun raportahe di e agencia di prensa AP. ‘E confederacion ta sigui cu e bid cu tabata anticipa hopi prome cu Donald Trump a bira presidente. E decision final pa sigui cu e bid a tuma lugar pus na Aruba. E persona a haci e mencion anonimo pasobra e bid lo no wordo anuncia oficialmente sino te dialuna na Manhattan na New York. E problema tabata cu e plan no por a sigui debi na e plan di Trump y su politica anti imigracion. Pero ni si Trump sinta un di dos termino, e lo no ta president mas na 2026. Den un relato di prensa despues di e conferencia, CONCACAF a bisa cu ‘e paisnan lo haci un anuncio historico” refiriendo na e bid aki. E decision final ta wordo anuncia na mei di 2020, durante e posibel campaña pa reeleccion di Trump.

CONGRESO HISTORICO PA ARUBA

Manera cu NoticiaCla.com a raporta caba, den fin di siman Aruba tabata anfitrion di e presidente di FIFA Gianni Infantino pa 2 dia, (el a bandona Aruba diadomingo) pa presencia e congreso di CONCACAF. Ta prome biaha cu e presidente Infantino ta na Aruba den funcion di presidente di FIFA, pero no ta su prome bishita na Aruba si.