Aruba a experiencia e fenomeno di renchi rond di solo

ORANJESTAD – Aruba a experiencia un ‘aureola’ rond di solo, of un asina yama ‘renchi’ rond di nos solo. Bieunan ta bisa cu esey ta nifica cu awacero ta na caminda. Tabata diasabra mainta laat cu potretnan a cuminsa circula riba social media di e ‘renchi’ aki. E berdad ta cu ora cu tin un renchi rond di solo, (of luna) ta nifica cu tin nubianan tipo Cirrus halto cu ta bin prome cu un tormenta. Notabel ta sinembargo cu shelo e ora ta basta cla cu bo por wak e solo y e renchi.

E RENCHI

E renchi ta un señal di nubianan cirrus fini cu ta circula 20 mil pia halto riba nos cabes. Nan ta contene miyones di cristalnan chikito di ijs. E renchi cu bo ta wak ta causa pa e refleho di lus of parti di luz di e cristalnan di ijs. E cristalnan tin cu ta orienta y posicionnan di tal forma, pa bo wowo capta e renchi y pa e renchi aparece. P'esey, manera regenboog, renchi rond di solo of luna, ta un bista personal. Cada persona ta wak e renchi na un forma particular. Nan ta yame tambe un renchi di 22 grado, pasobra e renchi tin un radios di aproximadamente 22 grado rond di e solo of luna.