Anna Cameron ta baha como rector suplente Colegio Arubano

ORANJESTAD – E rector suplente di Colegio Arubano Anna Cameron a anuncia cu e ta baha di su funcion di suplente (waarnemend) entrante 1 di mei proximo. No ta conoci si e ta mantene su funcion como conrector, cu ta e funcion ‘regular’. Recientemente caba Bart Kool a anuncia su retiro como presidente di Stichting Middelbaar Onderwijs Aruba (SMOA), pa motibo di conflicto di interes. E scol ta den proceso pa haya un otro rector pa cuminsa e aña escolar nobo, y e scol a anuncia cu nan ta en busca di 8 docente nobo. Motibo di e retiro di e ultimo retiro aki no ta conoci ainda.