Lo actua contra hende cu usa e tereno na Tamarijn como dump

ORANJESTAD – Despues di 4 dia di tratamento, Parlamento a aproba e presupuesto 2018 diamars anochi laat cu 12 voto pro y 8 contra. NoticiaCla a compronde cu tabatin algun tension den curso tempran di anochi cu a pone cu a surgi un tardanza pa sigui cu e reunion y a surgi un ‘pauze’ di casi 4 ora.

ORANJESTAD - E mocion cu porta a hala mas atencion y a tene miembronan di Parlamento hopi ocupa, tabata esun pa cuminsa e proceso pa legalisa cannabis medicinal. Ora cu mas tempran den dia a bira conoci kendenan lo a bay vota pro, partido opositor a cuminsa un campaña pa bringa esaki. Tabatin rumornan persistente cu e mocion aki lo por a trece tension den coalicion, y cu si e mocion no pasa, e lo por tin consecuencia pa e coalicion. Na final, e mocion no a a logra haya confianza di un mayoria y a cay chikito cu 6 voto pro y 14 contra.

ORANJESTAD – Parlamento a aproba e mocion di AVP pa ‘cancela den forma definitivo’ e plan pa independiza scolnan publico cu 18 vota pro y 2 a vota contra. Mes momento e mocion ta pidi pa informa scolnan publico y persona di scolnan publico di e decision pa cancela den forma definitivo e plan di independisacion di scolnan publico. E cancelacion definitivo di e plan aki ta inclui e plan pa independisa Colegio EPI.

ORANJESTAD – Un cantidad record di mocion a keda entrega durante tratamento di presupuesto 2018 di pais Aruba. NoticiaCla a haya confirma di presidente di parlamento Ady Thijsen cu den careda di 70 pa 80 mocion a keda presenta y mester wordo vota ariba mas laat diamars. Fuera di esey, e cantidad di pregunta cu a wordo manda pa e ministernan, tambe ta hopi halto. Segun prome minister Evelyn Wever Croes, e la menciona cerca di 2000 pregunta manda, cu mester a contesta den un periodo di 1 siman. Ta planea pa parlamento vota pa tur e mocionan aki y e presupuesto diamars anochi.

ORANJESTAD – E cantidad cu cual lo baha tarifa di awa y coriente e aña aki, ta bira conoci unabez cu e jaarrekening di gobierno di 2017 ta conoci. Asina minister di energia Evelyn Wever Croes a bisa durante su contestacion di pregunta den Parlamento awe mainta. E mandatario a sigura cu e aña aki ainda lo anuncia e reduccion di tarifa di utilidad, pero tin cu calcula e sumanan prome cu por anuncia esaki.

ORANJESTAD – Ta definitivo cu e di dos parke di molina no ta bin na Urirama. Asina minister di energia Evelyn Wever a bisa durante su contestacion di pregunta den Parlamento diamars mainta. E mandatario a sigura cu no ta bay cambia e ROP pa acomoda e parke na Urirama. Esey ta nifica cu mientras cu e parke por bin, e tin cu keda ubica otro caminda. Si esaki ta nifica otro caso den corte pa e compania responsabel pa establece e proyecto, no ta conoci. Esaki tabata un di e temanan presenta den Parlamento awe mainta.