Rene Herde: ARA mester abstene comentario politico

ORANJESTAD - Algemene Rekenkamer no por haci declaracionnan politico. E declaracion recien di un funcionario di e organo consultativo independiente, no a cay den bon tera serca lider di fraccion di partido berde AVP, Rene Herde. Mientras Herde ta boga pa organonan independiente, e ta critica e hecho cu e organo particular aki a opta pa haci declaracionnan politico cu no ta na su lugar. Herde ta referi na e funcionario Ling Wong cu diabierna ultimo durante entrega di e cuenta annual di aña 2013, a hiba un discurso y a mustra gobierno riba su fayonan politico. Algo cu segun Herde, no ta corecto. E instancia, segun Herde, tin cu duna su comentario profesional, y abstene di duna su comentario politico.