Update: Entradanan hudicial na Corsou relaciona cu investigacion di corupcion

WILLEMSTAD – Manera cu NoticiaCla.com a raporta inicialmente polis a haci entrada hudicial na varios adres na Corsou. Entre nan, politico Gerrit Schotte, politico Charles Cooper y comerciante Gilbert R. Inicialmente a raporta cu tabatin entrada hudicial a cas di politico Yaël Plet di Man. Pero a resulta cu berdad polis a bay na su cas, pero no pa un entrada hudicial, y e informe ey a keda actualisa. Informacion cu ta circula ta cu e tres personanan menciona, ta wordo sospecha di intencion di purba ‘cumpra’ politico Plet cu un suma di placa. Plet a haci denuncia di esaki na februari y a base di esaki, a haci investigacion y e entradanan hudicial. E comerciante menciona, lo a purba di cumpra Plet pa e suma di 150.000 florin si e bandona e partido y sigui como miembro independiente. Plet a rechasa e oferta.

Fuente Dick Drayer/NOS foto archivo NOS/Dick Drayer