Entrada hudicial na varios politico di Corsou incluyendo Gerrit Schotte

WILLEMSTAD – Landsrecherche a haci un entrada hudicial na cas di tres politico na Corsou awe na cas di politiconan Charles Cooper, Gerrit Schotte y comerciante Gilbert R. Inicialmente a raporta cu tabata tambe na cas di politico Yael Plet.  Pero mientras cu polis a bishita Plet, e no tabata parti di e inval. Ministerio Publico no ta dunando informacion riba e motibo di e entradanan ainda. Mientrastanto ministerio publico a informa oficialmente cu Landsrecherche Curaçao a inicia awe mainta cu algun entrada hudicial na Corsou. 'Ta trata di entrada hudicial bou di liderazgo di un huez-comisario mientras cu na cada adres tin un Fiscal di Ministerio Publico (OM). Entre otro ta tene un entrada hudicial na cas di un miembro di Parlamento.  Landsrecherche Curaçao ta hayando yudanza awe mainta di otro instancianan investigativo', e comunicado a finalisa bisando.

Landsrecherche ta un instancia di investigacion cu un tarea special. Nan ta dirigí nan mes entre otro riba comportacion di integridad cu ta tacha gobernacion publico. Landsrecherche ta actua solamente riba instruccion di Procurador-general (PG).

E investigacion ta na e momentonan aki andando. Ministerio Publico (OM) ta bay duna mas informacion den transcurso di awe mainta.

. Foto Anneke Polak.