SMOA: Continuidad Colegio sigura, y tin solamente 8 vacatura

ORANJESTAD – Colegio Arubano ta sigura cu e continuidad di scol ta sigura, y cu ta solamente 8 vacatura tin pa e scol. Segun un comunicado emiti pa e scol, nan ta mustra cu e evaluacion anual di e contractonan di e personal di e scol ta mustra cu pa e proximo aña escolar, mester reemplaza 8 docente. Esaki e directiva di scol a anuncia awe.

Segun e scol, ta normal cu anualmente e contractonan temporal di docentenan ta wordo evalua. ‘Y e 15 contractonan cu mester termina no ta algo nobo’ e comunicado ta sigui bisa. Den e aña escolar di 2014/15 tambe mester a termina 18 relacion di trabou, y aña pasa esaki tabata 9. Den un grafiek nan ta mustra tambe con e situacion tabata pa elimina e contractonan temporal laboral pa loke ta e 15 trahadonan di e scol pa fin di e aña escolar aki.

TRAHA CONFORME LEY Y REGLANAN VIGENTE

Mando di scol ta bisa cu ta necesario pa actua conforme ley y regla. Desicionan tuma tambe tabata necesario pa por garantisa calidad di enseñansa na Colegio, y aki ta tene cuenta cu e proceduranan estableci. ‘E motibo si ta prolonga (un contracto) of no ta varia pa persona y pa motibo di privacidad, e scol no ta bay den detayes di esaki. Conforme procedura, a pone propaganda pa por yena e respectivo vacatura, pa cual a ricibi 35 reaccion caba mientras cu e proceso di solicitud ta canando ainda’.

E scol ta percura pa continuidad y calidad di e scol. ‘Tanto e personal como directiva di e scol ta traha duro pa mehora e resultado di e scol, y e logronan escolar di e scol’. Como tal ta sali di e punto di bista di traha a base di resultado. Pa esaki, e comunicado ta splica cu por lo menos 25 docente a sigui un masterclass den e direccion aki, pa despues cu nan a logra nan certificado di entrenador, nan lo bay educa nan coleganan den e proximo aña escolar. ‘E proceso di siñamento di Colegio lo haci tuma un paso hopi grandi. Nos alumnonan lo haya un educacion cu ta actualisa, basa riba mas practica independiente y na tempo. Segun e scol, pa e candidatonan di examen, tin examen di prueba y stimulacion pa prepara nan mas miho posibel pa e examennan na mei proximo. “Tur hende kier haci lo maximo aki pa prepara e alumnonan miho posibel”, e scol ta finalisa bisando.