ARA: Minister ta contradeci su propio gobierno

ORANJESTAD – Minister di Finanza di Aruba ta contradeci gobierno segun Controlaria general (ARA) den tumamento di medida. Den e rapport di e cuentanan annual, ARA ta mustra cu mientras cu Gabinete Mike Eman II a anuncia y implementa cierto medida di reduccion di gasto, e minister di finanza ta haci lo opuesto. ARA ta referi na e parti unda cu e mandatario encarga di finanzas Angel Bermudez ta anuncia cu e lo fortifica cierto servicionan cardinal, door di yena cierto posicionnan specifico y haci uso di expertonan externo. Algo cu ta bay linja recta cu loke cu gobierno a presenta y implementa pues.

Segun ARA, ta importante pa e medidanan aki, cu lo tin consecuencia financiero, wordo presenta delata. ARA ta convenci cu den e proceso di mehoracion di e platchi financiero, tin cu pone e prioridadnan corecto unda cu escohencia tin cu tuma lugar. Segun ARA, ta e motibo pa cual nan kier mira un plan di largo plazo.

Bermudez, den su contesta na Controleria General (ARA), ta splica cu e coordinadornan di presupuesto di tur minister, lo mester mantene un serie di session di informacion continuo pa cu directie financiein. Y den cuadro di esaki, mester fortifica Centrale Accountants Dienst. Y den cuadro di esaki, Bermudez ta relata na e ‘medidanan’ cu e ta mira cu mester tuma.