Surinam Airways a inaugura nan buelo Aruba-Orlando

ORANJESTAD – Despues di 10 aña bulando pa Aruba, Surinam Airways a introduci un ruta nobo dialuna, esta Aruba pa Orlando. Segun e CEO di e compania Robbi Lachmising, riba peticion di e.o. autoridad di Aruba a dicidi di añadi e ruta nobo aki. Segun Lachmising, e motibo pa Orlando ta entre otro e hecho cu Disney World ta situa eynan, y cu tin hopi Arubiano bibando eynan. “Nos a tuma e chens, y awe nos tin nos prome buelo non stop di Aruba pa Orlando” Lachmising a sigui bisa. A pidi Aruba pa sostene Surinam Airways for di Orlando pa Aruba. “E ta bon pa economia , bon pa tur hende, bon pa e aerolinea”.

VENEZOLANONAN DI MIAMI PA ARUBA

Autoridad di Aruba a celebra e hecho aki tambe, a mustra cu semper ta bon pa tin un expansion pa loke ta transporte pa nos isla. “Nos ta compronde cu hopi di e trafico ta etnico, pero nos sa cu parti di nos strategia ta fit bon tambe cu e loke nos ta celebra awe” Ronella Tjin Asjoe, CEO di ATA a bisa. E gateway aki lo tambe yuda atrae parti di e mercado hispanico den e area di Sur di Florida. Mas specifico, kier atrae Venezolanonan den e region ey cu ta biba den e area ey y tin un afinidad cu Aruba. Nan ta e tipo di cliente cu Aruba mester y por uza, segun e CEO.