Hopi expectativa na hermana isla Aruba pa Curaçao Extreme Drag Fest 2017

WILLEMSTAD - Oficina di Turismo di Corsou (CTB) un biaha mas ta promove caredanan di ‘drag race’ den exterior, den e caso aki ta trata di Curaçao Extreme Drag Fest 2017. Eventonan manera ‘drag race’ ta un oportunidad pa promove y atrae fanaticonan di e deporte di velocidad na Corsou.

CTB hunto cu e team di Curaçao Extreme Foundation (CEF) ta trahando hunto pa promove e evento di Curaçao Extreme Drag Fest 2017 den exterior cu enfasis riba nos hermana isla Aruba. Aruba su asistencia durante e eventonan di ‘drag race’ semper ta na gran escala, p'esey mes e team di Corsou tabata na Aruba pa un ‘media tour’ pa asina duna tur informacion di e caredanan y di tur e posibilidad entretenimento cu Corsou tin di ofrece durante e fin di siman di Curaçao Extreme Drag Fest 2017.

CTB y CEF ta invita Aruba completo pa bin Corsou y disfruta di e caredanan di ‘drag’ cu participation di Aruba, Bonaire, Colombia, Panama, Puerto Rico, Venezuela y naturalmente Corsou mes. Dianan 29 y 30 di april y promer di mei 2017 lo tin hopi velocidad na Curaçao International Raceway durante Curaçao Extreme Drag Fest 2017. Pa mas informacion bishita: www.curacao-extreme.com y https://www.facebook.com/CuracaoExtremeFoundation/