Hopi a kere den e noticianan ficticio di 1 april di noticiacla

ORANJESTAD – Atrobe, lectornan fiel di NoticiaCla.com (mayoria) a cay den e trampa di noticianan ficticio diasabra 1 di april ultimo. Manera tur aña, desde cu NoticiaCla.com a cuminsa su operacion 2 aña y mei pasa, tur aña riba 1 di april, e portal aki ta(bata) presenta algun noticia ficticio como parti di ‘april fools day’ cu ta e dia conoci riba cual cu por ‘gaña’. Como tal, esaki ta e UNICO dia di henter aña cu e portal aki por haci esaki y keda leal ainda na su lectornan. E aña aki esey no tabata excepcion. E aña aki tabatin dos noticia cu e portal aki a presenta como parti di e ‘joke’. Un di nan sigur tabata un ‘hit’ grandi, cu ta esun cu un grupo Chines a firma un MoU pa bin cu un aerolinea nobo estilo un bus di transporte, y yama esaki Air-Bus. Hopi a kere cu a bruha cu e nomber Airbus di e fabrica di e nomber ey, pero no a cay riba e fenomeno di bus den aire.. esta Air Bus. E concepto pa hopi tabata hopi creativo haci cu a pone cu nan a cai aden. “E ta zona un ‘een april’ mop, pero e concepto ta zona bon si”, tabata e pensamento. Un otro joke, tabata esun di e leash pa cacho, pega na un bicicleta. Enfin, e joke nan tabata popular y a cay den bon tera. Desde awe atrobe, NoticiaCla.com ta bek cu su noticianan regular di confianza. Danki pa e oportunidad!