Aruba e di dos pais den Caribe cu recibi di utilidad mas halto cu Merca

ORANJESTAD – Aruba ta e di dos pais den Caribe cu tin gastonan mas halto di utilidad. E medio News Americas ta raporta cu por lo menos 8 pais den Caribe ta pagando ‘mucho mas’ pa nan recibi di utilidad, incluyendo electricidad, awa y sushi, cu un ciudadano Mericano den un apartamento. E lista completo ta figura Dominica, Aruba, USVI, Bahamas, St Maarten, Turks & Caicos, Curacao y St Kitts Nevis.

DATONAN DI NUMBEO

Datonan obteni di Numbeo, e database mundial mas grandi di ciudad y pais, ta bisa cu mientras cu mericanonan ta gasta na average 148 dollar of menos na recibo di utilidad basico, hopi paisnan Caribense ta gastando riba 3 biaha e suma aki. Na tur ta menciona 8 pais di cual Aruba ta na di 2 lugar, despues di Dominica y prome cu Isla Virgen Britanico. St Maarten ta na di 5 lugar y Corsou na di 7.

ARUBA

E raportahe di Aruba ta haci mencion cu e Arubiano ta paga na average 380 dollar na utilidad mensual, y esey ta pa esnan cu ta biba den apartamento relativamente chikito. E ta hopi pa un isla di 102 mil habitante.