Hulanda evaluando pa duna Corsou 'medida di instruccion'

DEN HAAG – Conseho di minister di Reino ta evaluando pa duna Corsou un ‘medida di instruccion’ osea un aanwijzing pa garantisa eleccion pa dia 28 di april proximo. Riba peticion di minister Plasterk a pidi Raad van State pa un conseho urgente riba e tema aki. RvS mester avisa si ta prudente pa duna un asina yama AMvRB. “Cu un AMvRB, a sugeri pa impone e podernan necesario pa por organisa eleccion dia 28 di april”, e comunicado di Reino a bisa awe mainta. Den e medida aki tambe ta regla cu Gobernador por involucra departamentonan di gobierno si ta necesario, pa guia eleccion den un bon forma. Plasterk ta pisa hopi serio pa tin un eleccion cu ta cana bon. “Ta di gran importancia pa pueblo di Corsou pa medio di eleccionnan honesto y liber, por expresa nan mes riba e futuro di e pais. Ultimo tempo pa medio die gabinete interino a haci hopi daño na e integridad di e proceso electoral” Plasterk a sigui bisa. Como tal conseho di minister di Reino ta haya necesario pa duna Gobernador e poder necesario pa un proceso ordena di e eleccion. Lesa e declaracion completo aki.