Minister Paul Croes ta distancia di e trabounan diario pa un periodo

ORANJESTAD- Minister Paul Croes ta distancia di e trabaonan diario pa un periodo corto. Esey e mandatario a declara un rato pasa, cu ta su prome declaracion publico despues di loke a sosode diamars ultimo.  Mirando e embergadura y seriedad di e desaroyo di e ultimo dianan aki, Croes despues di a consulta su famia y coleganan, den compania di Prome Minister Sr Mike Eman a anuncia cu su persona manda un peticion na su coleganan di Ministerraad, E peticion tabata pa e distancia su mes di gabinete pa un periodo, cual peticion a ser acepta tambe. E cartera ta wordo traspasa na su waarnemend minister, den e caso aki Angel Bermudez. Croes ta considera e posicion di ta ehecutivo den Gobierno ta halto y no mag wordo atacha of mancha. Pa es motibo aki e ta considera e mihor decision y etico n'e momentonan aki. Croes a gradici Dios Tata todopoderoso, su famia y tur sostenedor cu ta convivi e momentonan dificil aki. Scucha e declaracion completo aki di minister Paul Croes. Y por wak e declaracion AKI