Persecucion a resulta den detencion di homber peligroso

ORANJESTAD – Polis a pone man riba un homber peligroso arma. Pa mas o menos 11:30 di diaranson anochi patruya di Playa a para un Toyota Yaris color shinishi numera A-22531 na altura di Misa di Playa pa un control. Den e auto ta tin tres hende homber. Durante e control polis ta haya holo di marihuana. Na un dado momento e chauffeur a pusha e porta di auto y sali na careda. A cuminsa un persecucion na pia na unda a drenta den un hanchi na altura di un refresqueria cu no ta tin salida. Na dado momento e polis a cay abou y e sospechoso a haci un movecion di saca algo na banda di su heup y eynan e polis a saca su arma y a los un tiro di advertencia. E sospechoso a tira e objeto riba un dak . Polis despues ta bay over na detene, pero e no a bay facil pasobra e sospechoso a keda rechaza (verzet). E sospechoso ta un conoci di polis cu aña pasa na luna di october a wordo deteni pa posicion di arma.  

E sospechoso conhuntamente cu e otro dosnan cu tabata den e auto cu a wordo deteni hiba warda di polis di Playa di biaha.

Na e sitio di e sucedido a yega BFTO y departamento di Recherché na unda a bin bay controla riba e dak y a bin topa cu un revolver cu bala aden.  Loke a wordo tuma den beslag ta droga (cocaine), dos cuchiu, placa y auto. Departamento di Droga tambe a wordo notifica. Danki na actuacion corecto y lihe di polis, a logra kita mas arma y droga for di den circulacion.