Conocido locutor Mc Oz sentencia na 18 luna di prizon

ORANJESTAD – Corte a sentencia conocido locutor conoci como Mc Oz na 18 luna di prison, kitando e periodo cu el a sinta caba (4 luna). Corte a haya e dj culpabel di a tene relacion cu mucha muher di 14 aña. Corte a mustra cu ley t'ey pa proteha mucha cu no ta grandi pa pensa bon. E no a haya cu loke e locutor a bisa ta berdad, esta cu ela mira e mucha como adulto. Corte ademas ta haya cu e hecho cu e mucha a bisa cu su mana no ta lage sali laat mester a laga e dj pensa cu e mucha ta menor di edad. Ademas Corte a tene cuenta cu e locutor no a uza condom y cu a pone cu e mucha mester a haci abortus. Hues ta haya cu e locutor/dj a siña su les. “Otro hendenan mester pensa awor prome cu nan haci algo asina”, indicando cu ela uza e locutor como ehempel pa otronan no bay haci mescos, y sigur no si nan tin un posicion popular den comunidad. Notabel tabata e hecho cu Corte a desvia di e castigo pidi pa fiscal, cu tabata 18 luna di castigo di prison di cual 6 luna ta condicional. Corte sinembargo no a haya necesario pa inclui e parti condicional y a subi e sentencia na 18 luna completo, kitando e periodo cu e locutor a sinta caba den ‘voorarrest’. E abogado no por a bisa ainda si lo apela e sentencia duna.