Corte ta trata caso asesinato director Serlimar diabierna

ORANJESTAD – Diabierna awor e caso di e asesinato di e director di Serlimar ta bin dilanti mesa berde. Aki ta traata di e muher Chines cu a mata e director di e compania. Oficialmente e cargo ta cu T. ta wordo acusa di a tuma bida di un persona riba 11 di juli 2016 door di intencionalmente y cu forsa, hinc'e varios biaha cu un of mas cuchio na su curazon y pulmonnan, nek y garganta, y door di dal e cu forsa cu un martio na su frenta. A consecuencia di esaki e persona a fayece. E ta wordo acusa tambe di a menasa un persona cu un crimen den e periodo di 6 pa 10 di februari 2017. E caso ta poni pa tuma lugar 9’or di mainta.